提早慶祝聖誕節@McSorley’s

又到咗我最鍾意嘅節日之一，聖誕節。記得上年呢個時候仲陀緊小B，胃口麻麻哋就無去食聖誕大餐，所以今年要補番，哈哈。

之前食聖誕大餐都選擇去食自助餐，不過今年改變下，搵咗間氣氛濃厚嘅西餐廳去好好慶祝一下。



店員安排我哋到上層用膳，有聖誕樹同聖誕裝飾，氣氛好好呀。



呢度地方都好大好寬躺，如果鐘意飲兩杯嘅朋友一定唔好錯過，佢哋除咗基本嘅紅白酒，仲有手工啤㖭呀。



BBQ Ribs，份量好足料，肉質鬆軟啖啖肉，個醬剛剛好唔會太甜。



肉眼，食咗第一啖已經停唔到口，肉質鮮嫩多汁，入口即化，脂肪比例均勻，唔會好肥，食完都唔會覺得膩，真係好驚喜，好想叫多份嚟食，哈哈。



最後點少得甜品，邪惡之選，心太軟，滿滿嘅朱古力，係幸福嘅味道。