老公生日飯@Shine

又到咗我最期待嘅拍拖時間，今次係同老公慶祝生日，上網睇咗好多間餐廳，太耐無出去食飯，真係花多眼亂。知道老公呢日去尖沙咀工作，咁我就搵番尖沙咀區，最後決定去呢度。

餐廳位置都容易搵。



場內氣氛不錯，不論情侶或三五知己聚會也適合。





食物種類選擇都多，款式特別。



老公特意點了杯mocha俾我，久違了。

北海道帶子配三文魚籽沙律（$128）

一上枱感覺造型似盆栽，帶一份可愛感。原來沙律分了上下層，上層係帶子和三文魚籽，下層係沙律菜。

帶子鮮甜，配上三文魚籽令沙律份外清新鮮甜。

和風鮭魚意大利飯（$178）

日式和意式的相遇，有驚喜，三文魚和其他配料係先炒過再配意大利飯，面頭有紫菜和三文魚籽，提升飯嘅鮮味同口感。



燒西班牙黑毛豬扒配蘋果蓉（$348）

賣相好看，顏色鮮豔，黑毛豬的肉質豐厚、味道濃郁，配上蘋果蓉帶多一點清新感。



請把我帶走，Tiramisu（$80）

尾聲又點少得甜品呢，老公生日點了Tiramisu，個名好特別好浪漫。呢個tiramisu 個樣好似依家好hit嘅pancake，甜度適中而且唔膩，仲好鬆軟，加分呀。