搞結婚嘅時候真係好易令人心力交瘁，經常煩惱、開心、唔開心同負能量極增，不過都要振作一點，再努力一點點。
聖誕至新年期間有暫時放底結婚嘅嘢，去到三月就知道又係時間重新進入軌道了。我拖到依家先去睇出門房就知我懶，之前參考咗各位b2b嘅分享，去咗呢幾間睇房。
由於親戚大部分住青衣，為咗他們方便，我首選去荃灣睇房，呢間荃灣區無人唔識嘅酒店，地點方便，而且地方大，唔好嘅地方係太暗加太貴。
再向荃灣區出發，呢度嚟市區遠少少，不過勝在地方夠光而且價錢好吸引，不過地方細咗少少。
同18年嘅b2b表妹傾過之後，決定衝出荃灣區。呢間係旺角連接住某商場嘅酒店，地點方便，地方都大，有一個小小的pantry，呢間係甘多間最光猛嘅。好合心意，點知第二日打去book嘅時候話我BD嗰日已經full咗，好唔開心呀⋯⋯
尖沙咀近海旁嘅酒店，地方係甘多間最大，大到可以迷路，哈哈，選用既傢私以實木為主，家居感大。
最後呢間係我出門既房，位於尖沙咀，地點方便，價格中等，房間size係最大for出門，選了銀色主題；都有去睇過紅色主題房間，比較喜慶一點，但略為深沉了少許，拍攝不想有任何差池，所以選銀色主題房間。
~以上文章純屬筆者對於以上產品的個人感覺，體驗分享，敬請注意 !~
*歡迎留言或聯絡*
s.berryblythe@gmail.com
Blog: strawberryblythe.blogspot.hk
FB: S.BerryBlythe
IG: s.berryblythe
沒有留言:
張貼留言