我最早到,睇下有乜食先。
有廚師推介,都唔錯,唔洗諗太多。
有nuts,食住等大家。
終於齊人,先來喝湯吧,日本花菇雞腳燉螺頭湯,叫咗5份,兩個人share一份。好特別,用茶壺裝湯,味道清甜,唔會太油,而且好滋潤,好啱貪靚嘅我。
义燒---名叫拖地蜜汁黑豚肉,入口溶化,配合醬汁,唔肥唔喊,個個都話要叫多份,好好食。
燒腩仔,不過不失,肉質略厚實。
唔記得個名,酥炸茄子,超愛呢個茄子,茄子係去咗皮先炸,點嗰個類似蛋花嘅汁感覺冇咁熱氣。
水芙蓉蒸明蝦球,賣相幾靚,冇食蝦,水芙蓉係蛋,好滑。
呢個係我指定要嘅杞子花膠濃湯浸時菜,味道其實唔係太特別,只係想食啲菜。
好似叫三杯雞,酒味不會太濃,雞肉嫩滑,加了洋蔥都幾野味。
瑤柱鮮蝦荷葉飯,如果荷葉味再重啲就完美了。
金磚豆腐,雖然係炸豆腐,但都好好食;外脆內軟,喜歡和炸蒜粒的配搭。
仲有兩道菜,一個係水煮安格斯牛肉同海鮮兩面王;我無食水煮安格斯牛肉,因為見到都辣,食得辣嘅朋友話好食,牛肉好入味同夠辣。海鮮兩面王嘅麵係用好幼嘅麵去炸,好脆但比較易散。
最後太飽而且又有蛋糕,所以無試佢哋嘅皇牌紅豆沙,留番下次去食。賣單價錢合理,而且仲叫左兩支紅酒,加埋茶介同切餅費都差唔多,期待下次去食紅豆沙。
雲來軒
尖沙咀棉登徑17-23號華楓大廈一樓全層
~以上文章純屬筆者對於以上產品的個人
感覺,體驗分享,敬請注意 !~
*歡迎留言或聯絡*
s.berryblythe@gmail.com
Blog: strawberryblythe.blogspot.hk
FB: S.BerryBlythe
IG: s.berryblythe
沒有留言:
張貼留言