服務態度有待改善

老公突然放假過嚟搵我食lunch，難得二人世界，我地去食日本餐同時慶祝多次結婚紀念日。今次係openrice訂位有8折優惠！

Lunch set都有好多選擇，三心兩意之際，老公已經幫我決定咗。

特盛雜錦刺身茶漬丼定食︰

精選3點前菜、季節碗物、特盛雜錦刺身丼 (時令刺身8款) 、鰹魚出汁、焙胡麻及漬物

刺身丼有8款刺身，新鮮鮮甜各有特色，仲可以加湯變茶漬飯，多一種味道，不過個人唔鐘意加湯。

熊本A4和牛丼贅沢御膳︰

松葉蟹肉沙律、玉子燒、時令刺身 (2款) 、藏味噌漬銀鰤鯧、熊本和牛月見丼、季節甘味

和牛入口即化，如果多一兩件會更好，銀鰤鯧肉質香滑幼嫩，玉子燒香甜可口。

如果服務態度有改善，加上有折或優惠券都會考慮再幫襯。