外賣聖誕大餐

呢年因為疫情關係唔可以到餐廳慶祝食聖誕大餐，唯有外賣啦，最後選擇lunch外賣聖誕餐，選擇咗呢間之前經過成日都好多人嘅餐廳。

睇個餐牌上嘅食物都好吸引，最後要咗燒西班牙黑毛豬配薯菜，清炒北海道帶子天使麵，由於我唔食墨魚麵，店員都好好話幫我轉天使麵。

哈密瓜瓜煙三文魚沙律：不過不失，就係唔見有哈密瓜。

蘑菇湯：味道同口感可以再濃少少同creamy啲。

燒西班牙黑毛豬配薯菜：黑毛豬都好淋，薯角最好食。

清炒北海道帶子天使麵：平平無奇，味道一般，可能轉左天使麵，帶子細粒仲要得兩粒，有啲失望。

甜品：加咗錢甜品轉tiramisu，不過返到屋企發現無甜品，打電話返去叫我哋再去拎或者下次再去食飯扣錢，其實來回都要二十分鐘，真係無言兼掃興。

本身都充滿期待，不過⋯可能堂食會好啲⋯⋯