食物新鮮，有驚喜

十月份係我同老公嘅結婚紀念日，咁啱撞正中秋又有個long weekend，諗住帶埋小b一齊食飯慶祝，所以近近地搵到呢間食日本菜。

第一次嚟，有驚喜，食物質數高，下次會再去。

之前見到有二人餐都幾吸引，入到去就直接叫份「將軍二人御膳」。

前菜漬物，原來係三文魚鼻軟骨，爽口鮮甜，加上醋味同海帶，口感豐富。

三文魚明太子沙律，沙律菜新鮮，三文魚厚肉。

刺身三品盛，好新鮮好鮮甜。

單點炙燒左口魚裙邊壽司，入口即化，好好味。

汁燒美國牛扒，肉質嫩滑，味道香濃。

燒明太子雞翼，微辣香口，雞翼飽滿。

松葉蟹糕蟹肉炒飯，炒得乾身，飯粒分明，香氣撲鼻，蟹肉份量多。

鯛魚濃湯，雪白色濃湯，好香魚味，咸味適中。

御三家日本料理

新蒲崗仁愛街2-24號仁愛大樓地下8號i舖

Tel: 3460 4804