清熱解毒，平肝明目，天寶涼茶

呢個新年食咗好多角仔同煎蘿蔔糕，加上最近多數留喺屋企，食零食多咗，搞到自己上火熱氣。記得之前朋友仔介紹過佢公司附近有間涼茶鋪唔錯，於是去咗睇睇。

呢間涼茶鋪嘅裝修都好時尚，行過完全唔覺得係一間涼茶鋪，入面嘅選擇都多，所以問吓店員意見，店員了解後建議我試吓佢哋嘅王牌 - 天寶涼茶。

天寶涼茶即係五花茶，味道唔會苦，少甜帶甘香，容易入口。本來喉嚨有少少唔舒服，飲完之後即刻舒服晒而且當晚仲好好瞓，個人無咁燥底，下次再去就想試吓佢哋個龜苓膏。