同閨蜜一齊慶祝大家既生日，決定食豪少少，最後選了食日式放題，超耐無食放題，所以都好期待。今次就去咗呢間集團當中價格比較高一點嘅餐廳食生日放題lunch。大家做咗媽媽，約食晚飯真係有啲難道兼奢侈，所以就約食lunch。
環境好好，地方大而且坐得舒服，最重要係乾淨光猛，唔怕有小動物行過。之前係其他地方試過同枱食飯，搞到唔知仲食唔食好，所以地方一定要夠乾淨。
有個自助沙律前菜吧，先打底好開胃。
不論冷熱飲品都好多選擇呀。
依家點餐可以scan QR code，然後order，好方便呀。由於食物實在有太多選擇，重點推薦以下呢幾款食物。
海膽杯，好新鮮，海膽份量都唔少，鋪在滿滿的魚籽上，顏色鮮豔加上底層的三文魚粒，口感豐富。
我的小小刺身盆栽，初初試下味先所以唔敢點太多。樣樣都好新鮮，拖羅係必點，身形靚仔、入口即化。帶子同凡立貝好爽口，油甘魚同希靈魚絕對唔會令你失望。蟹腳鮮甜唔會太鹹。
壽司外貌靚，我係見到隔離枱有人點咗覺得靚所以都點咗呢兩款，壽司飯係暖暖地嘅醋飯，再加上新鮮食材，一個字掂！
上：和牛薄燒，鐘意食牛肉嘅朋友一定要試下，薄薄一塊，入口即融多汁，食到停唔到口。
下：燒扇貝，我鐘意食入面嘅沙律醬汁，不過呢個都有驚喜因為肉質豐厚。
海膽炒飯，其實我地都叫咗好多野食，樣樣都好食又有驚喜，最後嘅熱食俾呢個海膽炒飯吸引住，一定要食埋先滿足。海膽新鮮美味，炒飯粒粒金黃，內有三文魚，味道可口。
最後的甜品時間，女生至愛海燕窩椰汁燉木瓜，燕窩份量多唔會小氣。
海膽炒飯，其實我地都叫咗好多野食，樣樣都好食又有驚喜，最後嘅熱食俾呢個海膽炒飯吸引住，一定要食埋先滿足。海膽新鮮美味，炒飯粒粒金黃，內有三文魚，味道可口。
最後的甜品時間，女生至愛海燕窩椰汁燉木瓜，燕窩份量多唔會小氣。
雪糕係大人小孩嘅至愛，多選擇而且味道有經典同新款，唔食雪糕都有好多唔同種類嘅甜品。
下次帶老公來試下先。
下次帶老公來試下先。
殿 大喜屋日本料理
尖沙咀金巴利道26號1樓
T: 3622 3000/ 3622 3009
沒有留言:
張貼留言